Tomorr Shukulli dhe Valentina Koltraku, shoferët e përfshirë në aksidentin fatal ku humbi jetën një 7-vjeçar në rrugën “Kastriotët” në Tiranë, janë liruar nga burgu dhe u është caktuar masa e arrestit shtëpiak. Prokuroria kishte kërkuar vazhdimin e arrestit në burg për Shukullin, por gjykata vendosi një masë më të butë për të dy. Shukulli deklaroi se kishte ndaluar për t’i dhënë disa para fëmijës, të cilat i ranë në tokë, dhe nuk e kishte vënë re fëmijën kur makina u nis me ndezjen e semaforit, duke e përplasur atë aksidentalisht. Ndërsa Koltraku tha se kishte qenë pas fuoristradës dhe nuk kishte pamje të qartë të ngjarjes, duke theksuar se aksidenti ishte i paqëllimshëm dhe të dy shprehën tronditjen e tyre për ngjarjen e rëndë.