Në fshatin Sallkoc të Poshtëm në komunën e Gjilanit janë shpërndarë në rrjetet sociale pamje shqetësuese ku disa lopë të ngordhura janë hedhur në rrugë, në hyrje të fshatit. Banorët e zonës kanë reaguar ashpër, duke e cilësuar këtë veprim si të papërgjegjshëm dhe duke paralajmëruar rrezikun që kjo situatë paraqet për shëndetin publik, mjedisin dhe kafshët e tjera. Ata kanë njoftuar autoritetet përkatëse, përfshirë Policinë e Kosovës, shërbimet emergjente, Agjencinë e Ushqimit dhe Veterinarisë, si dhe Drejtorinë e Bujqësisë në Gjilan, por deri tani nuk është ndërmarrë asnjë veprim për largimin e kafshëve të ngordhura. Situata mbetet shqetësuese dhe kërkon ndërhyrje urgjente për të parandaluar pasojat e mundshme.