Puna për shuarjen e zjarrit në deponinë e mbeturinave në Sferkë të Thatë të Pejës vazhdon intensivisht dhe pa ndërprerje. Ekipet emergjente, në bashkëpunim me Forcën e Sigurisë së Kosovës dhe me ndihmën e makinerive të rënda, po përpiqen të lokalizojnë dhe shuajnë plotësisht vatrat e zjarrit. Drejtori i Drejtorisë për Mbrojtje dhe Shpëtim në Komunën e Pejës, Luan Voci, ka theksuar se kjo është sfida më serioze deri tani dhe prioritet mbetet eliminimi i rrezikut dhe stabilizimi i plotë i situatës. Ndërsa situata është nën kontroll, përpjekjet për menaxhimin e plotë të zjarrit vazhdojnë me intensitet të lartë.