Kryeprokurori i Shtetit, Zejnulla Gashi, ka theksuar rëndësinë e gjurmimit, sekuestrimit dhe konfiskimit të pasurisë së përfituar në mënyrë të kundërligjshme si pjesë kyçe të luftës kundër korrupsionit dhe krimeve të tjera komplekse. Në një takim ndërkombëtar të organizuar nga Zyra e Kryeprokurorit të Shtetit, UNDP, UNODC dhe Instituti i Bazelit për Qeverisje, u diskutua për shkëmbimin e përvojave dhe praktikave më të mira në hetimet financiare dhe rikthimin e aseteve. Gashi theksoi se ndjekja penale vetëm nuk mjafton, por duhet të sigurohet që të ardhurat e paligjshme të kthehen në favor të shtetit dhe të dëmtuarve. Në këtë event morën pjesë kryeprokurorë dhe prokurorë nga Kosova, Shqipëria dhe Bosnja e Hercegovina, duke forcuar bashkëpunimin rajonal në këtë fushë.