Gjatë 24 orëve të fundit në Shqipëri janë raportuar 25 vatra zjarri, prej të cilave 9 mbeten aktive në disa qarqe të vendit. Operacionet për shuarjen e flakëve vijojnë me angazhimin e 395 forcave operacionale, 41 automjeteve zjarrfikëse, 167 efektivëve të Forcave të Armatosura, si dhe me mbështetjen e 3 helikopterëve dhe 4 avionëve “Air Tractor”. Në zona të ndryshme si Dajt, Priskë e Madhe, Drenie, Krujë, Nëmerçkë, Gurë-Lurë dhe Mali i Moravës, forcat zjarrfikëse, bashkiake, pyjore, vullnetarë dhe ushtarakë po punojnë intensivisht për të mbrojtur komunitetet dhe për të kufizuar përhapjen e zjarreve. Pavarësisht situatës së vështirë, në shumicën e zonave nuk raportohet rrezik për banesat, ndërsa operacionet do të vazhdojnë me kapacitete të shtuara për neutralizimin e plotë të vatrave aktive.