Një zjarr i madh përfshiu një pjesë të malit në Shëngjin, ku autoritetet luftuan gjatë gjithë natës për ta shuar atë. Operacioni u koordinua nga Agjencia Kombëtare e Mbrojtjes Civile dhe Ministria e Mbrojtjes, duke përfshirë 7 mjete zjarrfikëse nga rajone të ndryshme dhe ndërhyrjen ajrore me helikopter të Forcave të Armatosura. Në operacion morën pjesë edhe punonjës të Shërbimit Pyjor, Shërbimeve Publike dhe Emergjencave Civile të Bashkisë Lezhë, duke ulur ndjeshëm intensitetin e flakëve. Autoritetet kanë identifikuar dhe vënë përpara përgjegjësisë ligjore personin e dyshuar për zjarrvënie, ndërsa bëjnë thirrje për përgjegjësi dhe bashkëpunim nga qytetarët për parandalimin e zjarreve të reja.