Gjatë 24 orëve të fundit në Shqipëri janë regjistruar 25 vatra zjarri, nga të cilat 4 mbeten ende aktive në zonat e Dajtit dhe Priskës në Tiranë, Lufaj në Mirditë dhe Tërbun në Pukë. Për shuarjen e tyre janë angazhuar 350 forca operacionale, 26 automjete zjarrfikëse, si dhe Forcat e Armatosura me 140 efektivë, 3 helikopterë dhe 2 avionë Air Tractor. Autoritetet bëjnë me dije se nuk ka rrezik për zonat e banuara dhe situata po përmirësohet në disa prej vatrave të tjera që janë shuar plotësisht. Strukturat e Mbrojtjes Civile vijojnë monitorimin dhe punën në terren për të izoluar plotësisht vatrat aktive dhe për të mbrojtur komunitetet përreth.