Ekipet e zjarrfikësve nga Komuna e Pejës dhe Istogut, së bashku me mekanizimin e KRM “Ambienti” Sh.A., po punojnë intensivisht për të lokalizuar dhe shuar zjarret në deponinë e mbeturinave në Sferkë të Thatë. Koordinimi i aksionit është bërë në mënyrë të përbashkët nga komandantët e njësive të zjarrfikësve në Pejë dhe Istog, duke siguruar një angazhim të përqendruar në terren. Përpjekjet janë të pandërprera dhe synojnë parandalimin e përhapjes së mëtejshme të zjarrit, me fokus në mbrojtjen e mjedisit dhe sigurinë e qytetarëve. Institucionet përgjegjëse kanë bërë të ditur se do të vazhdojnë punën deri në shuarjen e plotë të flakëve.