Ministri i Drejtësisë, Jeton Shasivari, në konferencën rajonale për krimin e organizuar në burgje, theksoi se lufta kundër krimit dhe korrupsionit në sistemin penitenciar është prioritet kryesor i reformës. Ai nënvizoi nevojën për bashkëpunim rajonal, shkëmbim të shpejtë të informacionit dhe koordinim më të mirë ndërmjet institucioneve për të përballuar rrjetet kriminale që veprojnë pa kufij. Gjatë periudhës së fundit janë ndërmarrë masa konkrete, përfshirë punësimin e 100 zyrtarëve të rinj, trajnime kundër korrupsionit dhe formimin e njësi inteligjence në disa burgje kryesore. Po ashtu, po punohet për profesionalizimin e menaxhimit të burgjeve dhe përmirësimin e kushteve me investime të konsiderueshme, ndërsa mbikëqyrja elektronike dhe probacioni po forcohen si pjesë e politikave moderne penitenciare.