Policia e Lushnjës ka arrestuar një 36-vjeçar nga fshati Plug, i cili dyshohet për kryerjen e dy vjedhjeve brenda dy ditësh dhe për zjarrvënien e një lokali. Më 16 korrik, ai dyshohet se vodhi dy bateri automjetesh, ndërsa më 17 korrik, në orët e para të mëngjesit, ka marrë një shumë parash dhe një laptop nga një lokal, për të cilin më pas i ka vënë zjarrin, duke shkaktuar dëme të konsiderueshme materiale. I arrestuari rezulton të ketë precedent penal për vjedhje, ndërsa operacioni i koduar “Again” u zhvillua nga Komisariati i Policisë Lushnjë si pjesë e goditjes së veprimtarisë kriminale në këtë zonë. Materialet janë referuar Prokurorisë së Fierit për veprime të mëtejshme ligjore.