Një shtetase e huaj është diagnostikuar me malarie dhe po trajtohet në Klinikën Infektive të QKUK-së në Kosovë, ku gjendja e saj është përmirësuar gradualisht. Infektologu dr. Visar Gashi thekson se rastet e malaries në Kosovë janë të gjitha të importuara nga zonat endemike, kryesisht nga Afrika dhe rajonet sub-sahariane, ku mushkonjat bartëse janë të pranishme. Ai shpjegon se simptomë kryesore është temperatura periodike që nuk largohet me medikamente të zakonshme dhe thekson rëndësinë e diagnostikimit të shpejtë dhe fillimit të menjëhershëm të trajtimit me antimalarikë, në varësi të gjendjes klinike të pacientit. Për parandalimin e sëmundjes, Gashi rekomandon konsultën me infektologun para udhëtimeve në zonat endemike dhe marrjen e profilaksisë me medikamente si Malarone gjatë qëndrimit atje.