Dogana e Kosovës ka zbuluar një rast të rëndësishëm të mosdeklarimit dhe deklarimit të pasaktë të mallrave gjatë kontrollit në pikën doganore në Merdarë. Gjatë verifikimit të një dërgese importi, janë gjetur sasi të konsiderueshme mallrash të ndryshme, përfshirë pajisje elektronike, vegla pune dhe produkte të tjera, të cilat nuk ishin deklaruar ose ishin deklaruar në mënyrë të pasaktë. Vlera e përgjithshme e këtyre mallrave arrin mbi 16 mijë euro, ndërsa shmangia e detyrimeve doganore dhe tatimore është vlerësuar në rreth 4,880 euro. Për këtë rast është iniciuar procedurë për kundërvajtje doganore sipas Kodit Doganor dhe Akcizave.