Një drejtues gomoneje në zonën e Triportit në Vlorë është ndëshkuar nga Policia Kufitare pasi u kap duke lëvizur me shpejtësi të lartë dhe duke kryer manovra të rrezikshme në gjendje të dehur. Pas kontrollit, shoferit me inicialet A.G. iu vu një gjobë prej 50 mijë lekësh, iu bllokua leja e drejtimit për dy muaj dhe iu bllokua edhe mjeti lundrues. Policia ndërhyri menjëherë për të parandaluar rrezikun ndaj mjeteve të tjera dhe pushuesve në zonë, duke theksuar rëndësinë e respektimit të rregullave të lundrimit. Apeli i Policisë Kufitare është për shmangien e çdo sjelljeje që mund të rrezikojë jetën dhe sigurinë në det.