Mëngjesin e 15 gushtit në hyrje të fshatit Bukosh të Suharekës ndodhi një aksident tragjik ku humbi jetën një grua 29-vjeçare, Arjeta Luzha. Sipas hetimeve fillestare, 22-vjeçari Butrint Kadolli po drejtonte një Jeep Cherokee me targa gjermane dhe dyshohet se kreu manovra të rrezikshme me shpejtësi, duke dalë jashtë rrugës dhe duke u kthyer në drejtim të kundërt. Gjatë kësaj manovre, Jeep-i goditi fuqishëm një Mercedes C200 që drejtohej nga viktima, duke shkaktuar përplasjen dhe përfundimin e automjeteve jashtë rrugës. Pas aksidentit, Luzha u dërgua për ndihmë mjekësore, por nuk mundi t’i mbijetojë plagëve, ndërsa Kadolli u ndalua nga prokurori dhe po hetohet për përgjegjësinë në ngjarje.