Ministria e Punëve të Brendshme e Maqedonisë ka njoftuar për një aksion të intensifikuar kontrolli rrugor në periudhën nga 15 deri më 21 qershor, në kuadër të fushatës evropiane të ROADPOL-it. Fokus i veçantë do të jetë zbulimi dhe sanksionimi i shoferëve që vozisin nën ndikimin e alkoolit ose substancave narkotike. Më 19 qershor do të zhvillohet një maratonë 24-orëshe kontrolli në të gjithë territorin e shtetit, me prani të shtuar të patrullave policore dhe kontrolle intensive. MPB apelon për përgjegjshmëri nga të gjithë pjesëmarrësit në komunikacion, duke theksuar se sjellja e kujdesshme mund të shpëtojë jetë dhe të sigurojë rrugë më të sigurta për të gjithë.