Në Prishtinë u zhvillua “Marshi për Liri”, ku mijëra qytetarë u mblodhën për të kërkuar lirimin dhe pafajësinë e katër drejtuesve të UÇK-së. Policia e Kosovës kishte marrë masa të plota sigurie dhe menaxhimi për të garantuar rendin dhe qetësinë publike gjatë aktivitetit. Marshimi kaloi në mënyrë të qetë dhe pa asnjë incident, falë edhe sjelljes së përgjegjshme dhe respektimit të udhëzimeve nga pjesëmarrësit. Në komunikatat e saj, Policia falënderoi organizatorët dhe qytetarët për kulturën dhe disiplinën e treguar gjatë marshit dhe qarkullimit në trafik.