Gjyqtari i procedurës paraprake në Gjykatën Themelore Penale të Shkupit ka caktuar masën e paraburgimit prej 30 ditësh për Stefan Bogoevin dhe tre persona të tjerë. Ata dyshohen për kryerjen e veprave penale që lidhen me keqpërdorim të procedurës së thirrjes publike, dhënie dhe pranimin e shpërblimit për ndikim të kundërligjshëm në prokurime publike. Vendimi u mor pas deklarimeve të të dyshuarve në prani të mbrojtësve të tyre dhe sipas propozimit të Prokurorisë Publike për Ndjekjen e Krimit të Organizuar dhe Korrupsionit. Palët kanë të drejtë të ankohen kundër këtij vendimi para Këshillit Penal, ndërsa hetimet për këtë çështje vazhdojnë.