Më 29 mars 1999, forcat policore, ushtarake dhe paramilitare serbe kryen një masakër në fshatin Beleg të Deçanit, ku u vranë dhe masakruan rreth 46-49 shqiptarë, një ditë pas humbjes së tyre nga Ushtria Çlirimtare e Kosovës në zonën e Irzniqit dhe Belegut. Kjo ngjarje tragjike mbetet një nga masakrat më të mëdha në rajonin e Dukagjinit gjatë luftës së vitit 1999. Edhe pas 27 vjetësh, fati i 33 personave të zhdukur nga ky rajon mbetet i panjohur dhe drejtësia nuk është arritur. Hetimet janë zhvilluar nga UNMIK dhe EULEX, me dëshmi të shumta të paraqitura edhe në Tribunalin Ndërkombëtar të Hagës, por deri më tani nuk ka asnjë të arrestuar për këtë krim, duke reflektuar një dështim të drejtësisë ndërkombëtare.