Policia e Tiranës ka arrestuar një 45-vjeçare, Ina Cakaj, e cila dyshohet për një skemë mashtrimi ndaj familjeve të prekura nga tërmeti i vitit 2019 në Fushë-Krujë. Ajo u prezantua si punonjëse e administratës shtetërore dhe premtonte ndihmë për përfitimin e dëmshpërblimeve ose banesave të reja, në këmbim të pagesave që varionin nga 1 mijë deri në 10 mijë euro. Deri tani, rreth 30 persona dyshohet se janë mashtruar, me një dëm financiar prej afro 60 milionë lekësh të vjetra. Në hetime janë sekuestruar dokumente dhe certifikata familjare që po verifikohen për mënyrën e përdorimit, ndërsa ndaj Cakajt rëndojnë akuzat për mashtrim, falsifikim dokumentesh dhe përvetësim të titullit shtetëror.