Prokuroria Themelore në Pejë ka ngritur aktakuzë ndaj Valmir Hajrullahut dhe Avdyl Kryeziut për mashtrim në shumën prej 134 mijë e 761 euro, duke i premtuar një qytetari transplantim të veshkës në Turqi. Hajrullahu dyshohet se u prezantua si mjek në specializim dhe, duke shfrytëzuar gjendjen e viktimës, kërkoi para për shpenzime të rreme spitalore dhe procedura të transplantimit. Në këtë skemë ishte përfshirë edhe një shtetas turk, i cili u paraqit si dhurues i veshkës, por ndaj tij procesi është pezulluar për momentin. Familjarët dhe avokati i viktimës presin që edhe personi i tretë të përballet me drejtësinë, ndërsa Hajrullahu ka precedentë të tjera për mashtrim në sistemin e drejtësisë.