Gjatë muajit maj, Policia Rajonale e Ferizajt ka shqiptuar 1,635 gjoba për tejkalim të shpejtësisë ndaj shoferëve që nuk kanë respektuar kufizimet e lejuara. Kjo fushatë është pjesë e projektit vetëdijësues “Shpejtësia nuk është aftësi, është rrezik”, me moton “Mos e mat jetën me kilometra në orë”. Policia apelon për kujdes të shtuar në trafik, duke theksuar se shpejtësia e papërshtatshme rrezikon jetën e shoferëve, pasagjerëve dhe pjesëmarrësve të tjerë në komunikacion. Kontrollet do të vazhdojnë edhe në ditët në vijim për të rritur sigurinë dhe për të parandaluar aksidentet rrugore.