Gjatë gjashtëmujorit të parë të vitit 2026, Policia Rajonale e Pejës ka shqiptuar mbi 35,000 gjoba për shkelje të rregullave të komunikacionit, duke përfshirë 1,632 masa ndalimi të drejtimit të automjetit nga tre muaj deri në një vit dhe 3,047 gjoba me pikë negative. Këto masa janë marrë në kuadër të aktiviteteve për rritjen e sigurisë në trafikun rrugor dhe zbatimin e legjislacionit në fuqi. Policia thekson rëndësinë e respektimit të rregullave të komunikacionit, veçanërisht gjatë sezonit veror kur rritet ndjeshëm numri i automjeteve dhe pjesëmarrësve në trafik. Ajo u bën thirrje drejtuesve të automjeteve, motoçiklistëve, çiklistëve dhe këmbësorëve të tregojnë kujdes, të mos drejtojnë nën ndikimin e alkoolit dhe të bashkëpunojnë me Policinë për të siguruar rrugë më të sigurta për të gjithë.