Njësia Rajonale e Trafikut Rrugor në Gjakovë ka zhvilluar kontrolle intensive nga 17 korriku deri më 16 gusht 2026 në kuadër të planit “Vera 2026 dhe Alkooli”, me qëllim rritjen e sigurisë në trafik dhe parandalimin e aksidenteve. Gjatë kësaj periudhe janë shqiptuar 5,022 gjoba për kundërvajtje të ndryshme, ku pjesa më e madhe ka qenë për tejkalim të kufizimit të shpejtësisë, si dhe janë marrë masa të tjera si ndalimi i drejtimit për 323 patentë-shoferë dhe sekuestrimi i 92 motoçikletave. Kontrollet janë fokusuar në shkeljet që rrezikojnë jetën, përfshirë përdorimin e telefonit gjatë ngasjes, drejtimin nën ndikimin e alkoolit, tejkalimet e parregullta dhe mosvendosjen e helmetës nga motoçiklistët. Policia ka bërë apel për respektimin e rregullave të trafikut dhe përshtatjen e shpejtësisë me kushtet e rrugës për të parandaluar aksidentet dhe për të ruajtur sigurinë e qytetarëve.