Sindikata e Re e KEK-ut ka paralajmëruar mbajtjen e një mbledhjeje të jashtëzakonshme të Kryesisë më 24 gusht, pas një serie aksidentesh dhe vdekjeve të punëtorëve në vendet e punës gjatë muajve të fundit. Në këtë takim do të diskutohet situata aktuale e sigurisë, shkaqet e aksidenteve dhe masat që duhet të merren për të parandaluar ngjarje të ngjashme në të ardhmen. Sindikata synon të rrisë presionin ndaj punëdhënësit për përmirësimin e kushteve të punës dhe sigurinë e punëtorëve. Mbledhja do të zhvillohet në orën 08:00 në zyrën e Sindikatës dhe kërkohet pjesëmarrje e plotë dhe serioze nga anëtarët e Kryesisë.