Në Gjykatën Themelore në Prishtinë u zhvillua seanca përfundimtare ndaj V.G., i akuzuar për shkaktimin e aksidentit fatal me veturë në vitin 2023, ku humbi jetën këmbësori Ferhat Bejtullahu. Avokati i familjes së viktimës kërkoi dënim efektiv me burg, duke argumentuar se ekspertiza e mbrojtjes ishte e njëanshme dhe në kundërshtim me ligjin për sigurinë në komunikacion. Ai theksoi se i akuzuari nuk kishte patentë shoferi në ditën e aksidentit dhe se kishte hyrë në komunikacion në mënyrë të paligjshme, duke mos respektuar kufizimin e shpejtësisë në zonë urbane. Përfaqësuesi i viktimës nënvizoi nevojën për një politikë më të ashpër ndëshkimore për të parandaluar aksidentet e rënda në trafikun publik, duke theksuar se vetëm masa të tilla mund të shmangin tragjeditë e ardhshme.