Në Gjykatën Themelore në Prishtinë vazhdon gjyqi ndaj Millorad Gjokoviqit, i akuzuar për krime lufte në fshatrat e Pejës gjatë viteve 1998-1999. Gjatë seancës së fundit, i akuzuari zgjodhi të mbrohet në heshtje, duke u mbështetur në deklaratat e mëparshme dhe mbrojtjen e avokatit të tij, i cili kundërshtoi provat e Prokurorisë dhe propozoi prova alternative si alibi. Prokurori special Ilir Morina refuzoi pranimin e disa dokumenteve të propozuara nga mbrojtja, duke argumentuar mungesën e mundësisë për verifikim të autencitetit të tyre, ndërsa Gjykata refuzoi disa kërkesa për rikonstruim të vendit të ngjarjes dhe dëgjimin e dëshmitarëve të rinj. Akuzohet se Gjokoviq ka kryer vrasje, tortura, plaçkitje dhe shkatërrim të pronave civile gjatë ofensivës në Ozdrim dhe rrethinë, ndërsa procesi gjyqësor po vazhdon me shqyrtimin e provave dhe fjalët përfundimtare do të jepen në seanca të ardhshme.