Prokuroria Speciale ka ngritur aktakuzë ndaj gjashtë personave për organizimin dhe funksionalizimin e barrikadave në veri të Kosovës në dhjetor 2022, ku u bllokuan rrugët me mjete të rënda dhe u hapën pozicione luftarake. Në aktakuzë janë përfshirë mesazhe të koduara të zbërthyera nga komunikimet e të akuzuarve, të cilët diskutonin për pajisje me armë, municion dhe koordinimin e veprimeve për pengimin e Policisë së Kosovës. Një nga të akuzuarit, Nenad Orloviq, ishte i pranishëm dhe aktiv gjatë sulmit ndaj trupave të KFOR-it në Zveçan më maj 2023, duke përdorur kode për të fshehur aktivitetet e tij. Prokuroria ka dokumentuar edhe mesazhe ku i pandehuri shpreh krenari për sulmin ndaj NATO-s, duke treguar përfshirjen e drejtpërdrejtë në veprimet e dhunshme në veri.