Meta, kompania prapa Facebook dhe Instagram, po përballet me një proces gjyqësor në SHBA për shkelje të ligjeve federale dhe shtetërore që mbrojnë privatësinë e fëmijëve. Katër shtete amerikane kërkojnë miliarda dollarë dëmshpërblim dhe ndryshime në funksionimin e platformave, duke përfshirë mënyrën e shfaqjes së pëlqimeve dhe funksionin e “scroll”-imit pa fund, që sipas tyre krijon varësi te të rinjtë. Procesi vjen pas një padie të ngritur në vitin 2023 nga 29 shtete, ndërsa prokurori i përgjithshëm i Kentuckyt e ka cilësuar këtë rast si “padinë më të madhe për mbrojtjen e konsumatorit në historinë amerikane”. Meta kundërshton fuqishëm akuzat dhe thekson angazhimin e saj për mbrojtjen e të rinjve.