Një 60-vjeçar nga fshati Kurilë i Devollit u gjet i pajetë mëngjesin e sotëm në një lumë, pas një vizite te të afërmit në fshatin Vishocicë. Ai kishte qëndruar deri vonë në një lokal të zonës dhe, sipas dëshmive, ndodhej në gjendje të dehur kur dyshohet se ka kaluar mbi një urë dhe është rrëzuar aksidentalisht në lumë. Policia, pas një këqyrjeje paraprake të vendngjarjes, dyshon se ngjarja është aksidentale, por pritet ekspertiza mjeko-ligjore për të përcaktuar shkakun e saktë të vdekjes. Hetimet vazhdojnë për të zbardhur plotësisht rrethanat e këtij rasti tragjik.