Hetimet për atentatin ndaj 50-vjeçarit Thimjo Rubati në Sarandë po avancojnë, ndërsa autorët dyshohet të jenë larguar me skaf pas sulmit të armatosur përpara biznesit të tij. Dy persona të maskuar dhe me skafandra janë parë duke u larguar drejt zonës bregdetare në rrugën “Mithat Hoxha”, dhe hetuesit po verifikojnë pistën e përdorimit të detit si rrugë shpëtimi. Një pistë e rëndësishme që po hetohet është lidhja e mundshme e këtij atentati me plagosjen e oficerit Mihal Velço, ngjarje që ndodhi një ditë më parë në të njëjtën zonë. Ndërkohë, Rubati është transportuar për trajtim më të specializuar në spitalin e Janinës, ndërsa policia vijon kontrollet dhe kërkimet intensive për kapjen e autorëve dhe zbardhjen e motivit të sulmit.