Një ngjarje e rëndë ka ndodhur në lagjen nr. 10 të Korçës, ku një 66-vjeçar, identifikuar si Irakli Çinoku, është gjetur i pajetë brenda një automjeti të përfshirë nga flakët. Ngjarja u shënua rreth orës 08:40 të mëngjesit, dhe policia dyshon se viktima mund të jetë vetëdjegur brenda makinës. Hetimet e para zbuluan se 66-vjeçari jetonte i vetëm pas problemeve familjare, pasi bashkëshortja dhe dy fëmijët e tij kishin shkuar në Greqi. Një shënim i gjetur pranë vendit të ngjarjes tregon se ai ndiente faj për marrëdhëniet e tensionuara me familjen, duke lënë të kuptohet se kjo ishte arsyeja e aktit të tij fatal. Grupi hetimor, nën drejtimin e Prokurorisë, vijon punën për të sqaruar plotësisht rrethanat dhe shkakun e zjarrit.