Një foshnje tre muajshe u rrëmbye nga karroca e saj jashtë banesës në një lagje të Baden-Württemberg, duke shkaktuar një alarm të madh në komunitet. Nëna 37-vjeçare kishte lënë për pak minuta foshnjën në trotuar ndërsa ngjitej në katin e dytë për të sjellë pazaret, por kur u kthye fëmija mungonte. Pas një kërkimi intensiv me dhjetëra efektivë, qen nuhatës dhe dronë, trupi i foshnjës u gjet pranë një përroi të lumit Rankbach më pak se 24 orë pas zhdukjes. Autoritetet po verifikojnë identitetin dhe po hetojnë të gjitha pistat, përfshirë mundësinë që nëna dhe foshnja të jenë ndjekur gjatë kthimit nga dyqanet, ndërsa rasti ka tronditur thellë opinionin publik në rajon.