Një burrë 55-vjeçar është gjetur pa shenja jete në dyqanin e tij në Mitrovicë të Jugut gjatë orëve të para të së hënës. Policia ka konfirmuar se në vendin e ngjarjes është gjetur dhe konfiskuar një armë zjarri, ndërsa trupi i viktimës është dërguar për obduksion në Institutin e Mjekësisë Ligjore me vendim të prokurorit. Hetuesit policorë, në bashkëpunim me prokurorin kompetent, kanë nisur hetimet për të sqaruar plotësisht rrethanat e ngjarjes. Sipas veprimeve fillestare, dyshimet e para tregojnë se rasti mund të ketë elemente të vetëvrasjes, por hetimet vijojnë për të zbardhur të gjitha detajet.