Një studente 20-vjeçare nga Turqia u gjet e vdekur në banesën e saj në Shtip, ndërsa shkaqet e vdekjes mbeten ende të paqarta. Instituti i Mjekësisë Ligjore ka përfunduar obduksionin, por rezultatet që do të zbardhin arsyet e vdekjes nuk janë bërë publike. Policia dhe autoritetet lokale po punojnë intensivisht për të sqaruar rrethanat e ngjarjes, ndërsa hyrja në banesë u bë përmes derës së ballkonit pasi dera kryesore ishte e blinduar. Rasti ka ngjallur shqetësim dhe mbetet nën hetim të plotë nga organet kompetente.