Një ngjarje e rëndë ka ndodhur në Pejë, ku një 34-vjeçar është gjetur pa shenja jete në rrugën “Zhul Selmani”. Policia e Kosovës dhe ekipi mjekësor kanë konfirmuar vdekjen e Arjanit Qetajt dhe kanë nisur hetimet për të zbardhur rrethanat e ngjarjes. Deri më tani, nuk janë bërë të ditura detaje të tjera lidhur me shkaqet e vdekjes, ndërsa organet kompetente po vazhdojnë me veprimet hetimore. Sinjali do të vijojë të informojë publikun për çdo zhvillim të ri në këtë rast që ka tronditur komunitetin lokal.