Një burrë 73-vjeçar, identifikuar si Agim Zeka, është gjetur pa shenja jete në banesën e tij në Mitrovicën e Veriut më 29 korrik rreth orës 16:00. Vdekjen e ka konstatuar ekipi mjekësor në vendin e ngjarjes, ndërsa trupi i pajetë është dërguar në Institutin e Mjekësisë Ligjore për obduksion me vendim të prokurorit. Autoritetet kanë nisur hetimet për zbardhjen e rrethanave të vdekjes, duke trajtuar rastin si “Hetim mbi vdekjen”. Për momentin nuk janë dhënë detaje mbi shkakun e vdekjes, ndërsa policia dhe ekspertët po vazhdojnë me veprimet hetimore për të sqaruar ngjarjen.