Një burrë është gjetur pa shenja jete në banesën e tij në Gjakovë më 22 gusht, duke ngritur dyshime dhe nisur hetime nga autoritetet. Pas njoftimit, në vendin e ngjarjes kanë dalë njësitë relevante të Policisë së Kosovës dhe ekipi mjekësor, i cili ka konstatuar vdekjen e viktimës. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është iniciuar si “Hetim i vdekjes”. Autoritetet po vazhdojnë hetimet për të zbuluar shkaqet e vdekjes dhe rrethanat e ngjarjes.