Një person është gjetur i vdekur pranë lumit në Mitrovicë, njoftoi Policia e Kosovës. Viktima është një mashkull, shtetas i Kosovës, por shkaqet dhe rrethanat e vdekjes së tij mbeten të panjohura. Policia dhe stafi mjekësor kanë dalë në vendin e ngjarjes dhe kanë konstatuar vdekjen pas raportimit të incidentit. Rasti po hetohet nga organet kompetente për të zbuluar më shumë detaje mbi këtë ngjarje.