Një studente 29-vjeçare u gjet e vdekur në banesën e saj në Trier, Gjermani, vetëm pak ditë pas vrasjes së një studenti tjetër 22-vjeçar. Policia dyshon se bëhet fjalë për një vrasje, bazuar në plagët e konstatuara në trupin e saj, ndërsa hetimet vazhdojnë pa një të dyshuar apo motiv të qartë. Ajo ishte raportuar e zhdukur nga nëna e saj dhe u gjet e pajetë disa ditë më vonë në zonën e Nordallee. Universiteti i Trierit shprehu pikëllimin e thellë për ngjarjen, ndërsa autoritetet kërkojnë ndihmën e qytetarëve për çdo informacion që mund të ndihmojë në zbardhjen e rastit.