Një ngarkesë prej 20 tonësh djathë Emmental me vlerë rreth 80 mijë euro është zhdukur gjatë transportit nga Bavaria drejt Francës. Një kompani transporti kishte kontraktuar një tjetër për dorëzimin e ngarkesës, por kamioni që mori mallin në Bayreuth nuk mbërriti në destinacionin e parashikuar. Policia gjermane ka nisur hetimet për të zbuluar se ku përfundoi ngarkesa dhe për të sqaruar rrethanat e ngjarjes. Deri tani nuk janë dhënë detaje për drejtuesin e kamionit apo kompaninë përgjegjëse për transportin.