Gjatë natës së kaluar, në aksin rrugor Gjilan-Stanqiq është evidentuar erodim i dheut, ndërsa në aksin Pejë-Rugovë rruga u bllokua për shkak të rrëshqitjes së gurëve, duke krijuar rrezik për qarkullimin. Ministria e Infrastrukturës dhe Transportit (MIT) njoftoi se ekipet e mirëmbajtjes reaguan menjëherë dhe dolën në terren për të menaxhuar situatën dhe për të siguruar segmentet e prekura. Në aksin Pejë-Rugovë, rreziku u evitua duke hapur njërën korsi dhe duke sinjalizuar dhe monitoruar vazhdimisht zonën. MIT theksoi se qarkullimi po zhvillohet me kujdes të shtuar dhe se punimet për sanimin e plotë të situatës vazhdojnë intensivisht, duke garantuar sigurinë në të gjitha segmentet rrugore.