Komuna e Mitrovicës së Jugut po vijon me intensitet aksionet për largimin e reklamave të vendosura në mënyrë ilegale në hapësirat publike të qytetit. Drejtoria e Inspekcionit ka angazhuar ekipe në terren që po heqin këto reklama me qëllim ruajtjen e rendit urban dhe përmirësimin e sigurisë publike. Aksioni është pjesë e përpjekjeve për të siguruar një ambient më të rregullt dhe të sigurt për qytetarët. Komuna ka bërë me dije se këto veprime do të vazhdojnë edhe në ditët në vijim për të eliminuar të gjitha shkeljet në këtë fushë.