Komuna e Mitrovicës ka intensifikuar inspektimet në sektorin e ndërtimit për të siguruar respektimin e lejeve ndërtimore dhe ligjshmërisë në këtë fushë. Gjatë ditës së djeshme, Drejtoria e Inspekcionit ka ndërmarrë masa konkrete duke vendosur shirita ndalues në tri ndërtesa që nuk kanë respektuar kushtet e përcaktuara me lejet përkatëse. Autoritetet komunale kanë paralajmëruar se aksionet do të vazhdojnë edhe në ditët në vijim, me qëllim parandalimin e shkeljeve dhe garantimin e zbatimit të rregullave ligjore në ndërtim. Komuna u ka bërë thirrje investitorëve dhe ndërtuesve që të respektojnë ligjin, duke theksuar se do të ndërmerren masa ligjore ndaj atyre që shkelin rregullat.