Kompania Rajonale e Ujësjellësit “Mitrovica” ka paralajmëruar ndërprerje të përkohshme të furnizimit me ujë të pijshëm në nëntë zona të qytetit për shkak të punimeve në rrjetin e ujësjellësit dhe kanalizimit. Punimet po zhvillohen në rrugët “Afrim Xh.Hyseni”, “Ukshin Kovaqica”, “Sylyshët”, “Asllan Cimili”, si dhe në fshatrat Frashër dhe Vidimriq, ndërsa në rrjetin e kanalizimit po punohet në rrugët “Martirët e Kombit”, “Shemsi Ahmeti” dhe lagjen “Koloni”. Pas përfundimit të ndërhyrjeve teknike, është e mundur që uji të jetë i turbullt për një periudhë të shkurtër, ndaj banorët këshillohen të lënë rubinetin të rrjedhë derisa uji të pastrohet plotësisht. Ekipet e mirëmbajtjes janë duke punuar intensivisht për të rikthyer furnizimin normal sa më shpejt të jetë e mundur.