Komuna e Mitrovicës ka aktivizuar një autoambulancë të dytë për shërbimin e urgjencës, duke e përforcuar kështu kapacitetin emergjent në qytet. Nga ora 08:00 deri në 24:00, urgjenca do të funksionojë me dy ekipe dhe dy autoambulanca, për të siguruar reagim më të shpejtë ndaj rasteve urgjente. Ky zhvillim synon të përmirësojë mbulimin dhe efikasitetin e shërbimeve shëndetësore për qytetarët që kanë nevojë për ndërhyrje apo transport urgjent. Aktivizimi i autoambulancës së dytë përbën një hap të rëndësishëm në rritjen e gatishmërisë dhe forcimin e shërbimit emergjent në Mitrovicë.