Në Shtërpcë, në rrugën “Nëntë Jugoviqët”, është raportuar një mosmarrëveshje verbale mes dy personave që ka degjeneruar në një incident më të gjerë. Gjatë ndërhyrjes së Policisë së Kosovës, një person i tretë ka penguar zyrtarët policorë në përpjekje për të vënë situatën nën kontroll. Të tre të dyshuarit janë shoqëruar në stacion policor, ku është konstatuar se ndodheshin nën ndikimin e alkoolit. Pas intervistimit dhe me vendim të prokurorit, ata janë dërguar në mbajtje, ndërsa rasti është iniciuar për “lëndim trupor” dhe “pengim të personit zyrtar në kryerjen e detyrës”, dhe hetimet vazhdojnë.