Një mosmarrëveshje verbale mes dy personave në rrugën “19 Qershori” në Podujevë ka degjeneruar në kanosje dhe ekspozim të armës. Sipas Policisë së Kosovës, gjatë përplasjes, njëri nga të dyshuarit ka kanosur tjetrin, i cili më pas dyshohet se ka nxjerrë armën në praninë e tij. Gjatë kontrollit në shtëpinë e njërit prej të dyshuarve, Policia ka konfiskuar një pistoletë me 36 fishekë, një kuti përcjellëse, pajisje të tjera dhe lejen e armës. Të dy të dyshuarit janë intervistuar dhe më pas janë liruar me vendim të prokurorit për t’u proceduar në mënyrë të rregullt.