Mbrëmjen e së premtes në rrugën “Bahri Fazliu” në Prishtinë ka ndodhur një aksident trafiku ku janë përfshirë një motoçikletë dhe një veturë me targa vendore. Ngjarja ka ndodhur rreth orës 21:10, kur një zyrtar policor i ka dhënë shenjë për ndalim drejtuesit të motoçikletës, i cili nuk i është bindur urdhrit dhe ka tentuar të shmanget. Gjatë përpjekjes për të ikur, motoçiklisti ka goditur policin dhe një veturë tjetër, duke shkaktuar lëndime tek tre persona. Si pasojë, zyrtari policor dhe dy persona të tjerë në veturë kanë marrë dëmtime, ndërsa rasti vazhdon të hetohet nga autoritetet.