Ministria e Punëve të Brendshme e Maqedonisë së Veriut ka mohuar kategorikisht pretendimet e disa mediave për një ndjekje me një automjet që ishte paraqitur si polici para aksidentit tragjik në autostradën PKK Bllacë–Shkup, ku humbën jetën tre persona. MPB e ka cilësuar këtë informacion si spekulativ dhe të pavërtetë, duke bërë thirrje për kujdes në përhapjen e lajmeve të paverifikuara. Autoritetet theksojnë se nuk ka asnjë denoncim apo rast të regjistruar që të mbështesë pretendimet për "polici të rremë". Hetimet për zbardhjen e plotë të rrethanave të aksidentit janë duke vazhduar nga organet kompetente.