Zyra e Auditorit të Kosovës ka publikuar gjetjet e auditimit në Komunën e Fushë-Kosovës, ku janë evidentuar mangësi të shumta në regjistrimin dhe menaxhimin e pasurive jofinanciare. Komuna ka regjistruar pronat me gabime, ka lidhur kontrata për banesa sociale që nuk janë në pronësi të saj dhe ka keqklasifikuar shpenzimet në kategori ekonomike jo adekuate, duke shkaktuar mbivlerësim dhe nënvlerësim të pasurive. Gjithashtu, janë konstatuar mospërputhje në listat e stafit të angazhuar në kontrata dhe përdorimi i formave të angazhimit që nuk përputhen me kërkesat ligjore, duke përfshirë edhe aranzhimin e 11 personave në një projekt trevjeçar për detyra të rregullta të komunës. Auditori gjithashtu ka vënë në dukje mungesën e inspektimeve të pronave të paluajtshme dhe mungesën e marrëveshjeve për subvencionet e dhëna, duke nxjerrë në pah nevojën për përmirësim të menaxhimit dhe transparencës në këtë komunë.